又穿梭在煙霧瀰漫的中環，混亂中影咗幾張相。
本想貼一張出來，寫幾隻字，抒發一下。
最後一張都不想貼，反而想分享這張在上個週末看到的告示。
逢星期一、四，贈送五十個麵包給六十五歲的長者。
田灣道一家小小的 bakery，賺到幾多錢一個月？想到這裏，覺得好 sad。
有人賺了不知多少個千萬，卻依然慌死蝕抵一毫子給別人。有人對著朋友和親人，也沒有那家 bakery 對外人的十份之一慷慨。但比起某些人，這些人「還好」。
年年考第一，力爭上游，考入政府，純為一己功名，都算。但為了這一己功名，要出賣他人，出賣自己，真是讀了咁多年書學到的為人之道嗎？
自己凌駕法律在先，仲可以拉人拉得咁爽，點做得出？
以前有位教我英文的老師叫 Susan Wong，有次畀佢發現我唔單止做錯嘢，而我仲要屈人話係人哋錯。
Mrs Wong 嘅中文非常爛，但有時候為了 make a point，都會盡力嘗試。
「唔係，要你，事事，為人著想。我都知道，要 put others ahead of you，係好難，但至少，可唔可以，put your conscience ahead of you？」
Search